移民講人系列｜移英港女稱「放負」因視英國為家　網民揶揄「死忍因冇勇氣離開」

【點新聞報道】近日，有移英港女在社交平台發文，力挺移民港人群體在網上「放負」、大吐苦水合情合理，更質問「難道英國唔係你屋企？」，帖文引發網上熱議。

該名移英港女在Threads發文，探討「今日講下放負。日日喺Threads講英國問題算唔算唱衰英國？」的爭議話題。樓主反問，「假如現在住喺香港，我又會唔會唱衰香港？」她直言不少港人以往在港時對社會民生便有諸多意見，全因「香港係我哋屋企」。樓主指，部分移英港人面對當地種種問題卻表現得十分包容，「對千瘡百孔嘅英國就變得十分包容理解接受」，她反問：「難道英國唔係你屋企？」樓主認為在網上開設賬號向陌生人「放負」實屬正常情況，她認為此舉「釋放到壓力又有娛樂性，開心share當然就留給認識嘅人。」

帖文迅速掀起網上熱議，不少同路人表示認同，直言「見呢個國家變壞，批評就係想有改善！正正因為住呢度就想佢好！」

不過，有網民留言嘲諷，直指許多移英人士心態矛盾，揶揄：「死忍是因為沒有離開的勇氣」、「世界沒有完美地方，只有適唔適合自己嘅地方。係移英港人特別注意香港不好的新聞，來吹捧自己慶幸走得快。但英國一樣的衰就視而不見」、「香港衰等於好彩當初決定移民，英國衰等於你要習慣呢度（嘅）文化」。

此外，亦有網民忠告，「覺得差咪再去第二度，網上放負都唔係問題，但無限放負，又唔搵解決方法，咁樣永遠冇出路」。