打邊爐食到釘子！沙田火鍋店蝦滑內藏金屬異物　網民怒轟：老人家就大鑊！牙都甩

【點新聞報道】日前，有食客於沙田一間火鍋店用膳期間，意外在點選的蝦滑內吃到異物，細看之下竟然是一粒銀色釘子！事主隨即拍下相片上傳至社交平台後，事件掀起網上熱議。

食客於FB群組「沙田之友」分享相片，並驚呼：「昨晚在xxxx打邊爐，食到蝦滑入面有粒窩釘」。從上傳相片中可見，當時事主正於火鍋店內打邊爐，惟在咬開一半的蝦滑當中，竟清晰可見嵌入了一粒銀色的金屬釘子。

事主補充指，事後已即時向店家反映情況，「有講呀，跟住佢咪收走晒囉」，其坦言：「我都係咁講，老人家食到、朋友食到就好大鑊。」

事件引來網民關注，不少網民對餐廳的食物安全感到擔憂，紛紛建議事主向相關部門舉報及報警：「食完先有釘，報警喇！」、「直接報食環啦」、「老人家就大鑊！牙都甩」、「呢檔嘢食一次，唔會再有下次」。

此外，亦有網民留言嘲諷：「諗住幫你補牙」、「攪肉機甩脫之物，小事」、「啲蝦滑打得唔夠實。加粒窩釘落去等佢實啲」、「豐富嘅鐵質」、「隻蝦之前骨折過做過手術，所以植入咗釘去固定」。