移民講人系列｜文職港女無專長擬「單打獨鬥」移英　同路人潑冷水：去到係生存唔係生活

【點新聞報道】近年來不少港人選擇移居外國，惟海外生活並非想像中美好。近日，一名年近30歲的港女在社交平台發文求助，指因擔心「遲啲走唔到」而考慮一個人移民英國。帖文引發網上熱議，大批網民及同路人潑冷水，直指其想法過於天真，應慎重考慮。

該名港女在Threads發文表示，自己目前在港從事文職工作，月薪約4萬。然而，她卻萌生獨自移英的念頭，港女直言眼見香港環境的變化並考慮到「依家唔移驚遲啲走唔到」。她坦言先前未選擇移民的兩大主因有二，「第一係因為早幾年有病，最近一兩年先穩定返。第二，當初以為唔要小朋友就可以唔使考慮咁多嘢。」

不過，樓主對移民後的前景亦心知肚明，自認「普通一個degree，坦白講專長真係冇」，故求教網民當地工作機會及安全居住區域。她更退而求其次表示，移民後不介意從底層做起，甚至想嘗試做銷售以提升英文能力。

帖文一出，隨即掀起網上熱烈討論。許多網民勸樓主切勿將移民想得太簡單，必須深思熟慮。有網民直言：「移民三大底氣是錢、專業、超級捱得。有好多錢就去邊都一樣，反正有錢。有份好強嘅專業就邊度都得因為一定有人請。一係就要捱得，不過喺英國『死捱』唔係出路，因為你好快發覺份min wage係生存唔係生活。比起諗車牌、住邊呢啲嘢，不如首先正面評估下自己有冇好solid嘅能力去移民，否則最後捱唔到落去只係浪費錢同時間」、「我覺得如果份工穩定就唔好搞咁多嘢，除非你好有錢唔使煩生活」、「我覺得真係鍾意個度先好移，唔好因為驚而做決定......事實係各有各衰......」。

有網民則分享自身經歷，指自己擁有3年英國文職經驗，求職依然極難，目標稅前3,000鎊，但僱主Phone Interview卻開價2,500鎊，扣稅後收入大幅縮水。該網民更指，「1000份Store Assistant（店員）申請只請60人，仲要唔係人人有全職！你英文唔夠好想做Sales？當地大把白人失業搵緊工，憑咩請你？」，其奉勸樓主：「要好好計清楚同埋知道為咩而走。為走而走好大機會後悔」。

此外，有已移英的同路人直言：「老實講英國唔係好地方，仲好爛」、「你接受到過到去稅後唔會有咁嘅人工就得。」

更有不少網民對樓主移民決策表示不解與質疑：「office工有40K，點都有些專業知識吧？ 英國文職工都有，除非你英文唔得才考慮由低做起吧⋯⋯」、「唔明移嚟做乜？搵40k一個人，爽皮。」