店舖捐款箱驚現6張500蚊　網民解釋「舖頭會唱箱入面嘅散紙」

【點新聞報道】近日有市民在一間連鎖店舖購物付款時，驚見收銀台上的慈善捐款箱內，竟然塞入了6張500蚊港紙，總金額高達3000蚊，令其大感震驚。

該名市民上傳相片至Threads，指自己於一間屈臣氏購物排隊付款期間，無意中發現收銀台上的捐款箱內出現大額紙幣。樓主仔細一看，發現箱內並非單單一張500蚊，而是足足有6張500蚊港紙，隨即發文直呼：「俾錢嘅時候見到個捐錢箱竟然有$500，望真啲原來仲有成六張，即（係）捐咗$3000。」

從樓主分享的相片中可見，這6張500蚊港紙顯然是同時被塞入捐款箱內，幾張紙幣緊緊貼在一起，連對摺的摺痕都近乎一致。此外，箱內亦夾雜着些許零錢及小額紙幣。樓主坦言，平日極少在捐款箱內見到大額紙幣，這次竟一次出現6張，實在非常罕見。

相片掀起網上熱議，有網民質疑未必是市民的無私捐款，指出：「但係呢個好明顯係好整齊。冇可能有人一次過唔見咗咁多張五嚿水」、「好少可見呢D箱有$500紙（幣）嘅出現（至少我無見過，似係有原因要捐錢多D）」。亦有不少網民紛紛留言調侃：「可能賭波/馬/六合彩中咗咪捐！」、「可能賭徒贏大錢，捐一捐積下德」、「可能嘉誠哥過嚟巡舖」、「遲到員工罰錢要入落去」。

不過，有熟悉零售行業的網民揭真相，「舖頭會唱箱入面嘅散紙」、「其實係有好多人捐咗小面額嘅錢，然之後經理將入面嘅散錢攞晒出嚟數再唱返啲大紙放返入去，散銀就舖頭用。所以你就見到幾張500蚊紙（幣）咁多囉。」還有曾打過暑期工的網民分享經歷，表示：「唔使驚訝，我打暑期工時掃貨架底，掃到$100出嚟，經理叫我入落捐款箱。1.有CCTV唔可以袋落袋。2.唔可以計收入，埋數會唔啱，要解釋。」