移民講人系列｜移英港男嫌香港Offer得3萬　「中咗都唔知返唔返好」　網民怒轟離地兼自大

【點新聞報道】近年外國經濟環境欠佳，不少移民港人萌生回流念頭。有一名移英港男近日發文指，自己正準備面試香港投資銀行的職位，但就嫌棄「得3萬人工」，心大心細唔知回唔回流好。帖文一出，隨即引來大批網民留言圍攻，不少人指責其態度離地且自大。

該名移英港男近日在社交平台threads發文，透露出強烈的回流意欲，「我決定辭職返香港，屋企人都喺香港，我就唔信返嚟搵份40-50K嘅工咁難」。其後又聲稱自己在英國搵2萬英鎊一個月，更誇下海口話想返香港做會計，「我想返香港做會計，有冇人請？我喺英國BPS 2萬英鎊一個月，我唔介意返嚟收10萬樓下」。

樓主日前再發新帖，透露自己即將接受香港投資銀行Morgan Stanley（摩根士丹利）相關職位的線上面試，卻嫌棄3萬港元的月薪過低，「聽日 zoom interview , elements Morgan Stanley FDP assistant 得3萬人工一個月」，仲表現得好糾結咁話「如果中咗都唔知返唔返好，好掛住香港。」

帖文一出，隨即遭到大批網民留言圍攻，直言香港現時就業市場競爭激烈，指樓主離地且自大：「你只係interview而唔係有Offer，香港大把人失業，依啲Role一係就為咗開而開嘅KPI Job，一係就成百幾人爭一個位。你以為In完就可以返香港，傻仔！」、「30,000人工都唔OK？幾多畢業生得萬幾蚊，唔怪得有人話有工都冇人做，做住先啦！」

有網民則揶揄樓主「你連工都開始搵，仲諗返唔返去香港？」、「聽日買六合彩，中咗頭獎，去邊度退休好？」、「weekend interview 咁求才若渴？一定掂啦！而家即刻訂機票執行李都得」。

另有網民質疑樓主作故仔，「唔係搵緊二萬鎊一個月？返嚟做乜」、「未有offer已經知人工？contract role？」。不過，亦有網民留言勸樓主「回家吧！」