黃店炒蛋藏小強腳　死忠黃絲盲撐「可以接受」

「黃店」質素差，已經唔係乜新鮮嘢，但總係講極都有。有網民日前發帖話，幫襯「光榮冰室」，午餐嗰份牛乳炒滑蛋，食食下居然見到一隻小強腳，當堂反晒胃。點知，有死忠黃絲留言話「其實黃店我覺得可以接受」。惹嚟不少網民反諷「『手足』 終於碟面相認~」、「黃店畀屎你食都要撐」、「而家不分化呀，不過分屍，得返條腿」。

該名女網民日前在fb發文貼圖話，日前中午幫襯黃店「光榮冰室」，點一份49元的套餐，其中包括一份牛乳滑蛋，豈料食到三份一居然見到一隻小強腳。她於是向店員投訴，然而，對方連唔好意思都冇講，只係望一眼，哦咗之後，講咗句「張單同你取消」，令樓主甚為崩潰，直言「心理陰影好大」。

不過，無論黃店對啲支持者做咗啲乜，都有人當睇唔到，死忠黃絲更在該帖文留言「其實黃店我覺得可以接受」，旋即惹嚟大量恥笑，有人直指衞生唔放鬆得，叫啲人唔好盲撐。