陳豪與陳茵媺首次夫妻檔，夥拍蔣祖曼、周嘉洛、游嘉欣、江美儀等合演無綫新劇《羅密歐與祝英台》（暫名），並於昨日（29日）進行拜神儀式。
陳豪與陳茵媺在劇中飾演梁山伯與祝英台，陳豪變成「長Mo」，飾演話事人的茵媺則以中性打扮，兩邊頭髮鏟青，加上手部紋身，相當有霸氣。茵媺近10年沒有拍劇，她坦言復出看時機，現在三子女上了小學，自己較多時間，加上今次角色複雜又有挑戰性，除了有不少動作場面，更要女扮男裝，好像一人飾演兩個角色。但拍攝初期也習慣，笑言廣東話、中文也退步，要老公人肉翻譯。
兩人被爆開工時以honey和Baby相稱，陳豪笑說：「呢個係我哋嘅真實一面，平時真係咁對話，但係戲裏面就要有啲隔膜。」講到他們可以「公器私用」在劇中奉旨親熱戲，他笑說：「只係蜻蜓點水式，有好有唔好，拍親熱戲冇咁擔心會自然啲，但平時就反而有啲唔舒服，因為未試過咁樣嘅相處方式。」茵媺說：「呢樣都係好擔心嘅，因為對住老公太熟，但係拍戲就要忘記佢係老公，要代入佢梁山伯。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
