點新聞 | 每日點新聞 點解香港事

每日點新聞 點解香港事
下載APP
標籤

來論|英國「國安法」更辣 黃人需要再移居嗎?

稀思路/筆是機場

近年有一啲「政治上腦」嘅黃人,佢哋聲稱唔滿意香港嘅政治環境,包括香港國安法,所以選擇移居他鄉,其中一個落腳點,就係佢哋一直都好「崇拜」嘅英國;不過,想象永遠美好,現實總是殘酷,唔少移居咗英國嘅黃人覺得唔對路,有啲仲已經悄悄移居返香港。其實講起國安法,中國有,香港地區有,外國一樣有,最近保安局局長鄧炳強喺出席公開活動時,更指出有人認為民主自由社會毋須呢啲法律,但英國最近都建議訂立一項國安法,相信比香港的建議「更辣」。到底有幾「辣」?原來鄧炳強一早就分享過。

大約喺今年5月,鄧炳強就有一篇關於「立法保國安 全球皆然」嘅文章,裡面提到英國嘅《國家安全法案》,包括一系列涵蓋範圍極廣嘅新罪行,有多項限制公民權利嘅措施,法案擬訂嘅罪行,大部分具有域外效力,亦不論案者嘅國籍或者犯案組織嘅成立地點;睇睇相關內容,有改革「間諜」(espionage)行為嘅法律,引入全新嘅「破壞」(sabotage)及「外國干預」(foreign interference)罪行,法案更擬訂英國警方嘅調查權力,可以喺緊急情況下無須事先獲得法庭授權而行使搜查權力、拘捕疑犯後可在未經起訴下扣留最長14天,又限制被定罪嘅恐怖分子獲得民事法律援助(civil legal aid)等等。

關於《國家安全法案》最後會唔會通過或者會點修訂,仍然有待觀察,但套用黃人嘅標準,呢啲法律係咪佢哋「不能接受」呢?如果係,佢哋應該離開英國先啱喎!一直以來,黃人反對特區政府以至中央各種止暴制亂嘅法律以至執法工作,但其實講到國家安全,我哋國家唔會手軟,其他所謂民主自由國家一樣唔會手軟,甚至比中央、特區嘅手段更「辣」,若然黃人願意接受外國嘅「國安法」,咁好明顯係雙重標準嘅又一例證。

不過,筆者都有理由相信,一班黃人會選擇當睇唔到英國嘅國安法,因為佢哋嘅崇洋心理,係由心底發出嚟,所以英國、美國等霸權做乜,佢哋都會接受,甚至會主動替佢哋辯解。呢種心態,未必呃到人,但黃人就一直咁樣「呃自己」,呃到一個程度,係有部分人明明知道喺外國生活唔好,都經常強調外國生活有幾好,空氣有「幾自由」,甚至喺外國做「苦力」做得有幾開心。

最近,就有消息指出,之前因為唔想歐洲勞工「湧入」而公投脫歐嘅英國,因為人手不足開始準備加發工作簽證,咁樣做嘅客觀效果,就係當初搞一大輪嘢,搞到國內撕裂嘅公投等於白做,未來黃人要喺英國搵工,可能又要面臨大量歐洲人士嘅競爭(現在亦有競爭);當部分黃人朝不保夕,用港元兌換嘅英鎊又狂跌,可以點?佢哋可以好好地遵守英國嘅國安法,好好地享受治安不寧嘅生活,然後繼續日日喺社交媒體出一啲呃人又呃自己嘅貼文,大叫三聲「英國生活真係好」!

收藏收藏
取消收藏取消收藏
稿件由上傳 · 文責自負 · 不代表本網立場

來論|英國「國安法」更辣 黃人需要再移居嗎?

收藏收藏
取消收藏取消收藏
稿件由上傳 · 文責自負 · 不代表本網立場
相關推薦