好多「黃絲」都話移民英國係為咗「下一代」，近日一名職港媽在網上投稿大呻老公受到好想移民英國，幾乎每日都會「洗腦式咁播住介紹移民英國嘅YouTuber片」，令她十分困擾，怒斥「唔移民嘅父母就係罪人？」、「究竟呢一刻唔舉家移民係咪等於推小朋友落火坑？」。港媽坦言只希望孩子們可以健康快樂成長，認為做好家教同身教，在哪個地方接受教育都不重要。
該名港媽在fb專頁「生仔要考牌系列」撰千字文訴苦，話明白大多數的父母移民都不外乎要呼吸自由空氣、提供好的讀書環境給子女長成云云，但就無人願意理解她的顧慮。港媽表示，她在香港的職業可算是專業人士，「放工真係放工，冇手尾跟，又容易拎假，方便照顧小朋友」。假設自己移民英國，需要重新經歷讀書、實習、考牌的過程才可以重操故業，亦很大機會要輪班工作，無時間照顧小朋友。她坦言自己冇咁瀟灑，10年的寒窗苦讀終於有少少成就，突然間由零開始，又要重新為事業打拼，呢一刻仲未可以跨過心理關口。
港媽又提到自己的老公雖然不是「豬隊友」，但一定唔係「神隊友」，完全畀唔到信心佢。她指老公每日下班回家後，就會碌手機或打機減壓，需要三催四請才會幫忙做家事。想像到如果移民到英國，沒有四大長老及工人，老公又係咁的話，會「自己鬱到病」。
此外，港媽怕凍，唔識煮飯又唔識揸車，除了難以適應外，她認為雖然英國的住屋、環境、教育較好，但天氣、衣食、交通香港更勝一籌，自問要離開由細住到大的香港，跳出舒適圈，絕非易事。
最後，就港爸話「為咗下一代應該要走」，港媽質疑「下一代固然重要，但上一代係咪就唔使理？」、「難道要咁狠心丟低上一代置之不顧？」指平時長老們都好錫兩個孫，移民後難以相見，覺得自己好不孝。
歡迎到Apple/Google play store下載 「點新聞」app
iPhone App：http://apple.co/2MxsmE1
Android App：http://bit.ly/36EmZtD
華為App：https://urldra.cloud.huawei.com/ezfJy81ETm
或直接進入點新聞網站瀏覽最新最準的新聞資訊：
www.dotdotnews.com
使用其他社交媒體訂閱點新聞
YouTube:youtube.com/c/dotdotnews點新聞
Instagram:instagram.com/dotdotnews
收藏
取消收藏
分享
