點新聞 | 每日點新聞 點解香港事

每日點新聞 點解香港事
下載APP
標籤

來論|回望過去廿五年 香港更加勝從前

稀思路/筆是機場

無論係一個人定一個地方,要成長,就必須有經歷,就如香港,回歸祖國25年,25年來飽歷滄桑,試過有疫症,試過出現金融風暴,試過被示威者非法佔領街道,甚至試過出現暴亂;但係我哋有中央政府嘅堅定支持,所以不論香港發生咩事,香港特區依然屹立不倒,仍然係璀璨光輝嘅東方之珠。

如果我哋睇返香港過去發生過嘅事,會好自然地得出一個結論,就係「中央,幸好有你」,2003年出現非典型肺炎,香港跌入谷底,失業率高企,中央就開放內地旅客來港「自由行」,挽救香港經濟;2019年黑暴,之後中央制定香港國安法,成功令香港止暴制亂。

香港今年年初爆發第五波疫情,一下子將香港防疫上嘅短板暴露出嚟,結果亦係中央出手,香港缺醫護人員,中央就派內地嘅醫護精英來港;缺食物、防疫物資,中央又全力支援,要食品有食品,要藥物有藥物,甚至連社區隔離設施都援建。中央嘅厚愛同關懷,因為香港係國家一部分,內地人同香港人,都係血濃於水嘅中國人。

對於香港回歸後嘅發展,包括近年嘅轉變,會有兩種睇法,第一係香港喺中央支持下,社會環境、法治制度都更勝從前;第二係因為香港無實行所謂西方的某種「選舉制度」,所以香港唔夠「民主自由」、唔夠好。其實香港嘅民主自由程度,我哋就算唔講數字、國際報告,都會一目了然,議員同官員未上台,就可能成為個別市民嘅批評對象;平日事無大小,個別人士點都要「點評」一番,呢啲唔係自由,係咩?如果有人一邊享有自由權利,但另一邊又話自己無自由,呢啲叫自相矛盾。

半個月前,國際管理發展學院最新發布的《2022年世界競爭力年報》中,香港排名由去年全球第七位上升至第五位;其他國際報告方面,包括菲沙研究所嘅《世界經濟自由度2021年度報告》等,香港都位處世界頂尖。換句話說,從生活以至經濟上,香港環境並無變差,除咗一樣嘢,就係有人煽動違法破壞行動嘅時候。

現時,國家發展一日千里,香港作為國家不可分割嘅部分,一樣機遇處處,作為大灣區一分子,香港市民包括青年可以到內地嘅大灣區城市發展,做生意嘅可以借大灣區打開內地市場;而香港本身作為國際金融中心,亦可以繼續吸引外資,提升金融中心以至國家喺「十四五」規劃賦予香港嘅地位。當有人試圖唱衰香港嘅時候,當有人要移居外國嘅時候,點解我哋會不斷見到有人從外國回流香港?原因非常簡單,因為香港有國家關懷,比起英國對香港實行殖民統治時,比起香港回歸祖國初期,香港更勝從前,而且前景光明。

收藏收藏
取消收藏取消收藏
稿件由上傳 · 文責自負 · 不代表本網立場

來論|回望過去廿五年 香港更加勝從前

收藏收藏
取消收藏取消收藏
稿件由上傳 · 文責自負 · 不代表本網立場
相關推薦