點新聞
每日點新聞 點解香港事
標籤

兒媳不願照顧 婆婆撐拐杖獨自求診遇上暖心的哥

香港處處都充滿著好人好事!最近有位的士司機分享遇上一位獨自撐拐杖截的士的婆婆,對方稱要睇醫生,卻忘記診所地址,暖心司機只好原路送她回家。婆婆在車上提及,自己有三個兒子一個新抱,但都不願照顧她,更令司機聽得心酸,到達目的地後拒收車資,惟婆婆卻婉拒,最後給了司機20元,更十分感謝地下車。司機在帖文中感慨道:「望住佢篤住拐杖佝僂嘅背影,一陣心酸湧上心頭!希望阿婆嘅仔女並唔係阿婆所講咁不孝,只係阿婆少少認知障礙嘅幻覺。」

該的士司機在fb群組「的士司機資訊網 Taxi」發文稱,上周六(18日)下午2時許,在上水金錢村接載1名撐着拐杖的婆婆上車,她上車後沉吟一輪話「要去睇醫生,但係唔記得要去邊度睇?」,司機於是話「唔緊要我慢慢開,你慢慢諗清楚!」,並一邊慢駛一邊說出區內多間診所名稱,希望幫助她想起。擾攘數分鐘後,婆婆終於諗到稱要前往「賽馬會診所」。不過,司機覺得唔對路,因為該診所要預約,而且星期六下午不會應診,但見婆婆都未能確定,遂決定「咁我即管送你去賽馬會診所睇下啦,我會等埋你真係有醫生睇先開車走。」

司機勸婆婆應該叫屋企人陪去睇醫生,豈料卻挑起對方的傷心處,婆婆用好平淡但係又心酸嘅語氣稱,「我有三個仔一個新抱,但係佢哋使晒我啲錢,就唔再理我」司機聽罷都不知如何安慰婆婆。到達診所後,婆婆就話「司機車我返去啦,我真係唔記得要去邊度睇醫生呀!」,發現診所真係無開門,頓感心酸,便送婆婆回到金錢村,並主動稱不收60多元的車資,「你唔使畀錢喇,當我請你食生果啦」。婆婆卻婉拒了:「唔得,你都要搵食㗎嘛」,最後「阿婆夾埋畀咗廿蚊我然後千多萬謝咁落車。」

不少網友大讚司機暖心,指「好感動!好人一世有好報!」、「「呢啲咪行業典範!」、「人間有情!這也是開的士的動力, 能賺錢當然開心, 能幫人更美!」

歡迎到Apple/Google play store下載 「點新聞」app

iPhone App:http://apple.co/2MxsmE1

Android App:http://bit.ly/36EmZtD

華為App:https://urldra.cloud.huawei.com/ezfJy81ETm

或直接進入點新聞網站瀏覽最新最準的新聞資訊:

www.dotdotnews.com

使用其他社交媒體訂閱點新聞

YouTube:youtube.com/c/dotdotnews點新聞

Instagram:instagram.com/dotdotnews

評論
相關新聞
相關度
相關度
從新到舊
從舊到新
搜全文 
全文
標題
關鍵字
goTop