點新聞
每日點新聞 點解香港事
標籤

黃翠如再缺席宣傳活動 陳自瑤冀與好姊妹一齊頌缽養生

Yoyo以露腰瑜伽造型現身記者會,身型勁Fit。

陳自瑤(Yoyo)與黃翠如主持的全新節目《世界養生組織》,明日(14日)於myTV SUPER 上架,今日Yoyo以露腰瑜伽造型現身記者會,而盛傳情緒低落的翠如就繼續潛水,以有工作在身為由缺席。

一連13集的《世界養生組織》, 每集都會探討世界各地古法及現代的養生秘密,記者會上聲療正念導師即場為Yoyo進行頌缽治療,Yoyo又跟瑜伽導師示範舒緩壓力及釋放情緒的正念瑜伽招式。

Yoyo受訪時被問到翠如為何缺席,是否仍然收埋自己?她說:「一直都有記者問我呢個問題,但始終係佢嘅嘢,我唔方便代佢回答,等佢自己講,(佢心情OK?)真係唔方便回應,我同佢有聯絡,等佢自己講返,ok嘅,大家唔使擔心。」提到之前翠如於社交平台講「再見」, 並關閉留言功能,情況令人擔心,Yoyo說:「每個人都有啲嘢想抒發,佢講咗係私人悼念,咁就畀啲空間佢,唔需要將件事放大。」

Yoyo說要買個銅缽送翠如。

提到養生,Yoyo表示拍完節目都買了個銅缽返屋企,每晚除了冥想,還會頌缽,因她比較性急,好易有焦慮情緒,就會透過頌缽讓身體平靜下來以及舒緩痛症:「當好忙時,又要照顧家庭、小朋友,太多嘢要處理,急起上嚟就會心跳加速,胃部不適,以及呼吸急促唔暢順, 所以一定要好好平衡身體,唔止身體,心靈都要健康。(有同囡囡一齊頌缽?)小朋友太活躍坐唔定,有時都會叫個女一齊玩,不過佢當個銅缽係樂器玩。(可有同翠如一起頌缽?)都好喎!我可以買個銅缽送畀佢,但唔知佢玩唔玩。」

(點新聞記者梁靜儀報道)

評論
相關新聞
相關度
相關度
從新到舊
從舊到新
搜全文 
全文
標題
關鍵字
goTop