點新聞 ｜ 每日點新聞 點解香港事

袁偉豪（Ben）、蔡思貝（Sisley）、陳山聰及鄧佩儀等，今日（12日）於將軍澳電視城錄影節目《魅力凝聚新時代2021》，並會與海外Fans見面。

Sisley透露會表演歌舞及玩遊戲，問到有何首本名曲？她說：「冇，每次要表演唱歌就發現唔夠歌，Ben話至少要袋定十首，否則次次臨急抱佛腳，(唱緋聞男友胡鴻鈞的《到此一遊》？)呢首只曾跳過未唱過。」

談到有傳她以200萬在將軍澳購入車位，Sisley坦言因月租停車場所費不菲，長遠計買車位泊車更實際。她說：「我要努力搵錢，銀行已清空，就算問家人借錢都要做呢件事，但借多少就唔講喇。（胡鴻鈞叫你送車位做生日禮物？）咁巿儈㗎咩？我要考慮一下同唔同佢做朋友，（疫情放緩收入有冇增加？）依家搵錢艱難，要咬實牙關，暫時聽天由命。」

對於集團行政總裁李寶安快將退休，其職位將懸空，問到Ben可有興趣自薦做高層？他笑說：「自己計數差，冇打算自薦做高層，但唔介意以輕鬆形式同高層傾吓對公司發展方向及意見，認為聆聽員工意見都係是好事。」

Sisley就笑言若讓她管理停車場，一定增設單車泊位，皆因自己當年踩單車返工時，飽受冇位泊單車問題困擾。

（點新聞記者梁靜儀報道）