點新聞 | 每日點新聞 點解香港事

每日點新聞 點解香港事
下載APP
標籤

疫下玩賽車遊戲止癮 郭富城靠父女樂減壓

郭富城

郭富城(城城)、陳蕊蕊、何依婷及張天賦等,今日(11日)到尖沙咀出席「挑戰者盃」亞洲電競賽車錦標賽港台總決賽。擔任「挑戰者盃」形象大使的城城表示,自己在家中都有玩電玩,不過兩個女兒大寶及二寶還小,不想她們接觸電子遊戲,怕她們會沉迷。問到湊小朋友時可會出動到「電子奶嘴」,他說:「細啲嘅時候有,會用電子產品睇動畫,但每日只會睇15、30分鐘,到再大啲佢哋就唔需要。」

城城透露家中設有賽車遊戲的專屬座位及軚盤,因他之前的車隊曾參與業餘比賽,不過去年因疫情而沒有賽事,只好靠玩電競止癮:「電競同真實環境好接近,可以了解跑道,玩啲專業虛擬賽事仲會FullGear上陣戴埋頭盔,玩完真係會成身汗,可以鍛煉專注力同體能。」問到如果賽事重開,太太方媛可會讓他落場參與賽事?城城說:「賽車運動可以令我減壓,因為有時工作要演沉重角色抽離唔到,賽車運動可以令我完全釋放同減壓,依家要減壓當然係同小朋友出去玩。」

今次活動城城的慈善基金亦有份參與,他希望籌到善款幫助基層,以及透過今次活動發掘更多有潛質的選手,經過訓練日後可以落場參與真實賽車比賽。城城指賽車手歐陽若曦會擔任活動頒獎嘉賓,對方曾代表香港到不同地方出賽,希望向他請教賽車心得。

陳蕊蕊

陳蕊蕊亦有參與亞洲電競賽車錦標賽,在200名女子組參賽者中排第六。對於未能晉身決賽,她坦言有少少唔抵:「因為前面個車手炒車,我爬唔到頭,所以攞到呢個名次,其實所有選手都好勁,甚至由專業車手訓練,我只係搵教練教咗1日,又試過偷偷哋影低個專業車手嘅練習片返去練習,為咗今次賽事練到隻手甩皮同起繭,雖然入唔到決賽但快到自己一秒都好有成功感,打算明年再參加。」

(點新聞記者梁靜儀報道)

收藏收藏
取消收藏取消收藏
稿件由上傳 · 文責自負 · 不代表本網立場

疫下玩賽車遊戲止癮 郭富城靠父女樂減壓

收藏收藏
取消收藏取消收藏
稿件由上傳 · 文責自負 · 不代表本網立場
相關推薦