近日網上流傳一條車cam影片，片中可見，車主嘅私家車停喺一三岔路口，只有左右兩條路可行。點知，左邊條路有一架黑色私家車打住死火燈，車輛右邊有一架電單車倒下，估計發生交通意外，塞住晒咗左邊條路。
而右邊條路，同樣發生類似意外，一架的士打住死火燈，的士前方同樣有一架白色電單車停住喺度。此情形令車cam車主十分難堪！從片中可聽見，車主不禁呻一句：「嘩！兩邊都係喎！」然後聽見車主一聲長歎。
網民：「熄匙瞓陣先囉。」「橫掂走唔到，開桶水洗下車啦！」「附近有冇馬會？買六合彩啦！中硬！」「師兄你一嚟就兩單交通意外，仲要夾住你，真係黑到爆，無計」。
收藏
取消收藏
分享
稿件由上傳 · 文責自負 · 不代表本網立場
