愛動物的朋友們都熟悉，金毛尋回犬智商高、性格溫和友善，同人類可以不分男女老少成為好朋友，同其他小動物亦都可以相處得似一家人。
近日，西班牙有隻金毛Bailey便同一隻準兔媽媽Charlotte成為好友。當時Charlotte懷孕時，好友Bailey就一直陪伴左右，不久之後，Charlotte順利生下4隻超級得意嘅兔寶寶。期間，Bailey不僅見證咗兔寶寶們睜開眼睛，同時仲經常幫佢哋舔毛，做清潔。而好奇的兔寶寶們亦會時常跑去Bailey身邊，甚至當牠係生父。而Charlotte見到牠們咁鍾意Bailey，而Bailey又不厭其煩地去照顧四隻兔BB，就咁樣，Bailey便順理成章成為咗一位兔奶爸，並擔起了照看牠们成长的責任。
在Bailey的細心照顧下，兔寶寶們依家已變成了精靈活潑的小兔子們。而牠們面對大隻好多嘅金毛Bailey，就仍然熱情不變，一啲都唔驚，成日都黐喺Bailey身邊，而Bailey亦都好享受當兔爸爸，非常珍惜同小兔子們的相處時間，時不時仲會舔下佢哋的毛髮，相當之溫柔。網友感嘆「連跨物種都可以成一家人！」
收藏
取消收藏
分享
稿件由上傳 · 文責自負 · 不代表本網立場
