星期五 , 4 月 10 2020
首頁 / 點生活 / 見菌殺菌 | 其實呢啲唔係潔癖……

見菌殺菌 | 其實呢啲唔係潔癖……

一般人印象中嘅潔癖有啲咩特徵?屋企有大量消毒殺菌產品,其中漂白水、酒精係必須有;濕紙巾、洗衣液呢啲唔係99%殺菌殺病毒絕對唔買;隨身攜帶搓手酒精、酒精噴霧;被人掂吓就「消毒」、食嘢前後要消毒飯枱餐具;從來唔會直接接觸公共物品,一係攞張紙巾隔住掂;成日洗手……哇,好似黐線呢!而家新型肺炎時期,睇吓潔癖必備用品瘋搶到全港冇貨先發覺,呢啲其實係再正常唔過嘅防護措施!除此之外,仲有啲「潔癖」習慣要學呀:

1、返到屋企,喺門外除鞋先入門,用1:49稀釋漂白水噴鞋底,風乾後再將鞋拎入屋,定時用稀釋漂白水噴地氈。

2、入屋盡快換衫沖涼!外出一日,身上都唔知附著啲咩細菌,有啲厚重衫冇可能日日洗,有條件嘅話將外出着嘅衫留喺隔離、獨立嘅空間,唔好「污染」全家。咁喺屋企着嘅衫就唔好着出去喇!


3、定期清潔屋企物品、首飾、手袋、環保袋,無論用酒精抹、用紫外燈照或者其他方法,要記得定時清潔!


4、外出前將口罩、酒精、濕紙巾等防護消毒品放一個乾淨嘅袋中,費事臨時唔急要用搵唔到;驚手機會惹菌可以擺係透明膠袋中使用,返到屋企即刻掉咗個袋;如果要長期接觸公共物品,戴即棄手套呀!仲有,消費盡量唔好用現金,有幾污遭大家心照啦!


至於戴口罩、勤洗手呢啲「正常人」都識嘅防護措施,喺呢度就唔多講喇!

無懼打壓 繼續發聲 歡迎到 Apple/Google play store 下載 「點新聞」app 或直接進入點新聞網站瀏覽最新最準的新聞資訊:
www.dotdotnews.com

使用其他社交媒體訂閱點新聞
YouTube: youtube.com/c/dotdotnews點新聞
Telegram: t.me/dotdotnews
Instagram: instagram.com/dotdotnews

發佈留言

Do NOT follow this link or you will be banned from the site!