星期五 , 4 月 10 2020
首頁 / 點生活 / 見菌殺菌 | 有啲嘢,過咗年廿八都可以做……

見菌殺菌 | 有啲嘢,過咗年廿八都可以做……

新型肺炎疫情擴散緊,大家都好注意個人衛生,但如果生活環境中遍布細菌,自己幾乾淨都冇用。傢俬、地氈、浴室、廚房全部都好容易滋生細菌,細菌長期滋生容易引發唔同人體疾病,冇潔癖嘅人平時都懶理呢啲,可能年年等年廿八先做清潔,但最近細菌病毒致病、致命性被無限「放大」,唔好話見唔到佢哋就唔做!要養成勤力清潔家居嘅習慣,防範於未然!
廚房:每星期清洗一次。廚房有好多食物同殘渣,仲成日喺度處理帶菌嘅生肉,如果唔定時整理、清潔,好容易成個廚房都係菌!雪櫃都係呀,每星期清一次,過期食物及時掉,除此之外,平時食物盡量擺喺有蓋容器內,生熟食物分開擺。
廁所/浴室:每日清潔。廁所可以話係屋企最潮濕嘅地方,最啱細菌繁殖,浴室壁、馬桶、浴缸、水喉簡直係細菌嘅溫床,每日都要用1:99稀釋漂白水消毒!
馬桶:都係用1:99稀釋漂白水,馬桶邊、馬桶板同蓋全部都要抹,再抹乾。平時用完馬桶冚蓋沖水可以避免細菌外濺。
排水口/喉管:每星期最少一次。用1:99稀釋漂白水消毒。排水口需要半公升稀釋漂白「浸」5分鐘,再倒入清水。
垃圾桶:無論屋企有幾多個垃圾桶、點樣分類都好,每日都要倒垃圾!同埋要定期用1:49稀釋漂白水洗垃圾桶。
地面/家具:用1:49稀釋漂白水消毒,等15至30分鐘後再用水清洗乾淨,再風乾。
如果各位fans有更好清潔方式,歡迎你哋喺留言區分享!
無懼打壓 繼續發聲 歡迎到 Apple/Google play store 下載 「點新聞」app 或直接進入點新聞網站瀏覽最新最準的新聞資訊:
www.dotdotnews.com
使用其他社交媒體訂閱點新聞
YouTube: youtube.com/c/dotdotnews點新聞
Telegram: t.me/dotdotnews
Instagram: instagram.com/dotdotnews

發佈留言

Do NOT follow this link or you will be banned from the site!