星期二 , 2 月 18 2020
首頁 / 點播 / 短片 / 新春飯聚計劃|雨花石湯圓

新春飯聚計劃|雨花石湯圓

農曆新年對於中國人嚟講,係全年最重要嘅節日,全球華人認真跟足傳統習俗,講求儀式感,尤其係食飯。除夕當日,父母由朝忙到晚,用盡渾身解數變出成枱佳餚,就係為咗一家人齊齊整整食餐團年飯,食住傾、食住笑、甚至食住玩,溫馨又熱鬧!而新春期間大家相互走訪拜年,有邊日唔駛同親戚朋友「飯聚一堂」呢?新春飯聚,唔少人會喺屋企自己煮,精心炮製之餘,仲會幫菜式諗埋好意頭,話難唔難,話易都唔易!

一連七集《新春飯聚計劃》呈獻八道賀年美饌,道道滿載吉祥寓意,為大家嘅賀年餐單添啲新煮意! 南方人過農曆新年會食湯圓,大家都知,象徵團團圓圓!湯圓用糯米粉做皮、中間通常包住甜甜哋嘅餡,可以當主食又可以當甜品,真係好食、好意頭,仲可以慳返一個菜式添!而春節之後,好快又到另外一個重要節日— 元宵節,都係要食湯圓嘅!所以由除夕開始,之後大半個月日日都啱食湯圓呀!出邊有好多唔同花款嘅現成湯圓買,但喺屋企同小朋友一起整,相信全家人食得仲開心!唔知小朋友想唔想嘗試吓包有花紋嘅「雨花石湯圓」呢?

發佈留言

Do NOT follow this link or you will be banned from the site!