2019年10月18日,星期五
首頁 / 點生活 / 格林威治360年來首次 將測得磁偏角為零

格林威治360年來首次 將測得磁偏角為零

如果大家以為指南針係幫你指引「正北」方向,好抱歉宜家要話你知⋯⋯你錯了!由於地球磁場嘅波動,指南針上嘅指針會不斷地係「正北」同「磁北」之間擺動。不過,英國地質調查局(BGS)地磁研究員Ciaran Beggan指出,未來兩周嘅某一個時刻係英國格林威治攞出指南針,指針將會指向「正北」方向,會係360年內首次完美重疊,然後再緩慢地向東移動。對於英國某些地區,可能係未來20年內都不會發生。

「正北」係指地球自轉軸係北半球與表面相交會嘅一點,佢會受潮汐力影響而擺動,每年移動幅度大概係幾吋。而「磁北」就係地球表面磁場垂直向下嘅一點,近年來正以平均每年20公里速度向西移動。以往呢兩點嘅偏差,即「正北」方向與「磁北」方向所造成嘅夾角稱為「磁偏角」,呢個數值喺360年來都係負數,表示指南針指向北嘅箭頭,一直都係指向「正北」嘅西面。

另外,Ciaran Beggan表示係呢段期間指南針同GPS會一樣照常運作,大家唔使擔心會對日常生活產生影響。

Do NOT follow this link or you will be banned from the site!