2019年8月21日,星期三
首頁 / 點播 / 擺上枱:黃背心=真記者?

擺上枱:黃背心=真記者?

簡單啲講,記者嘅工作就係接觸事實、將真相話俾大眾知。以前記者係喺新聞機構做嘢、受過專業教育同訓練嘅人,而家網絡、電子科技發達咗,就好似人人皆記者,任何人隨時隨地影輯相、拍條片、寫幾隻字po上網,就可以變出條「新聞」即時傳播。就咁睇,做記者似乎好易,但唔好忘記,做記者必須具備識分是非黑白、做客觀公正報道嘅基本質素。

睇返近排幾場衝突,某啲所謂「記者」,喺現場嘅表現就真係叫人O晒嘴!著住件印咗「記者」、「PRESS」嘅黃背心,「勇」字當頭,夾喺警察與暴徒中間,「一唔小心」就企去暴徒陣營前,阻住警察視線,俾暴徒順利逃脫。係咩記者,採採吓會join埋啲暴徒、為暴徒護航呢?好想問佢哋噏唔噏得出受聘於邊間新聞機構呢?

記者身上嘅黃背心,係「無冕之王」嘅身份象徵,賦予記者唔受侵犯嘅採訪權力、喺暴亂中嘅護身符,但若著住黃背心嘅人,冇新聞使命感、冇正確嘅是非觀、甚至冇做人基本嘅良知,後果會點呢?今集屈穎妍擺件黃背心上枱,與大家分享睇法。

Do NOT follow this link or you will be banned from the site!