2019年12月8日,星期日
首頁 / 焦點 / 「黃絲」憑空「作故仔」抹黑警察無理截查 實則幫搵手機

「黃絲」憑空「作故仔」抹黑警察無理截查 實則幫搵手機

為抹黑污衊警隊、挑撥警民關係,「黃絲」嘅造謠術已爐火純青,近日竟離譜到憑空「作故仔」煽動仇警情緒。昨日有人喺facebook上載一張中半山聖若瑟書院門外警員與一名女子嘅相片,仲扮埋目擊者聲稱警員截查中學文憑試放榜女生兼搜袋,並辱罵相中警員係黑警。不過,實情就係一位遺失手機嘅女市民向警方求助,自己搭乘東涌線列車到達香港站時發現袋中iPhone手機唔見咗,遂報警。3名警員陪佢由中環香港站一直尋找到半山,花咗近一個鐘仍然無果,惟有登記資料備案,暫列「遺失或盜竊」,但女市民對警員嘅熱心協助及專業精神深表感激。

然而本來相當暖心嘅事件就被無恥之人描繪成一個「恐怖」故事,聲稱其朋友經過上址,發現幾名警員在學校外「徘徊」,更截查「可疑的DSE放榜女學生」,過程「聲大夾惡、語帶威嚇,又摷人袋又查身份證,嚇得女同學差點喊出來」,該造謠帖一發更迅即引起仇警者嘅呼應及散播。幫手搵手機嘅警員表示,料唔到「做一單協助市民的案件都會變成咁」。警方發言人昨晚亦發稿,澄清真相及駁斥網上謠言。

Do NOT follow this link or you will be banned from the site!