星期六 , 2 月 29 2020
首頁 / 編輯推介 / 李力持分享市民經歷 歎年輕人被誤導盲上街

李力持分享市民經歷 歎年輕人被誤導盲上街

 

導演李力持昨日(15日)在Facebook上傳一段來自一名市民的經歷,稱遇到一名年輕人用坊間的說法來號召參與遊行,惟全部論點都被該名市民駁斥。文章直言,年輕人應該看清楚修例的內容,不應再做破壞香港的事。

 

以下是原文:

剛剛在街上看到有年輕人派傳單宣傳,叫人星期日去遊行,佢俾我,我問他關我咩事?他話会影響香港樓價跌,因為商家會走佬。

我話邊啲商家會走,他話如劉鑾雄,我話他犯咗法。而且一個商家走了也會有其他商家來,他話立咗法,每人都會受到影響,我問他我不犯法有何影響?他話大律師公會發了7條说明,我話他們大律師點解唔提出可行的建議同政府商討,在立法會倾?

然後他話立咗法就返唔到轉頭,而且話唔相信中國法律,我問他過唔過馬路,怕不怕被車撞到,那為何仲要過馬路?

同樣,咁多估估下的嘢,咁多無人可預計的事,就同過馬路一樣,不過唔得,因為目的地要咁行,必須要行的,咁唔好彩,真的出事有問題,可以再改,再修訂,法律本來不完善,一直也是修修補補,立法會的功能就是為了完善法律,點解咁反應咁大?

年青人,唔好被人洗腦誤導,你返去睇清楚發生咩事先,好好地看清楚今次《逃犯條例》修訂內容。唔好做破壞香港的事,我都係香港人,都想香港好,唔想你人云亦云,你唔好破壞街道霸住道路,影響民生,俾條生路來行,唔該你。多谢你。

各位朋友,救救孩子,救救年青人,唔好再被误導。我只知道香港没有了咁多罪犯,香港會更好。

Do NOT follow this link or you will be banned from the site!