2019年7月23日,星期二
首頁 / 點生活 / 假扮沙特王子斂財逾千萬 食豬肉即「穿煲」被捕

假扮沙特王子斂財逾千萬 食豬肉即「穿煲」被捕

世界之大無奇不有,美國有一名現年48歲嘅男子安東尼(Anthony Gignac)從17歲就開始冒充沙特阿拉伯皇室身份,暪騙不同商店、信用卡公司及投資者,過著奢華生活,30年來斂財總值竟高達800萬美元(約6240萬港元)。帶著偽造嘅外交文件及保鏢,佢假扮成沙特王子阿爾薩烏德(Khalid Bin Al Saud),而唔少人為討好佢甘願獻上大量金錢及名貴禮物,令佢不但只經常光臨高級餐廳,更擁有多款名車、珠寶首飾。

雖然安東尼曾被捕11次,惟「王子身份」一直未被識破。直至有次出席地產商飯局商討酒店投資計劃時,佢竟然大啖進食煙肉、火腿等穆斯林禁食嘅豬肉製品,讓對方生疑並進行調查。最後佢終於被捕,控以電子詐騙及假冒外交官等罪名,並被判監禁18年。

Do NOT follow this link or you will be banned from the site!