2019年6月26日,星期三
首頁 / 點漫畫 / 失言總統多瘀事

失言總統多瘀事

語不驚人誓不休嘅美國總統特朗普,不論在Twitter抑或公開演講都好爆,更屢次惹起外交風波。佢近期去咗英國訪問,不少人都擔心佢可能在國宴期間,發表涉及脫歐或反歐盟的言論,令政治中立的英女王尷尬。點知,尚未到埗,喺空軍一號專機上已經忍唔住手癢發twitter狠批倫敦市長簡世德為「冷漠的失敗者」。另外,特朗普上周五接受英國《太陽報》訪問時,形容哈里王子的夫人梅根「討厭」㖭。

特朗普的失言事件多到數唔晒,有媒體統計過,特朗普上任800天,發出9451項錯誤或誤導性言論。例如:佢曾經指部分移民非常壞,形容佢哋係「畜牲」;試過叫錯Apple行政總裁Tim Cook為Tim Apple;又公然維護俄羅斯指美國並不是俄國針對性的攻擊目標;早前更直指海地等非洲國家是「屎坑國」。

Do NOT follow this link or you will be banned from the site!