2019年12月10日,星期二
首頁 / 點生活 / 外表勁似特朗普頭髮 千祈唔好「衰多手」

外表勁似特朗普頭髮 千祈唔好「衰多手」

世界之大無奇不有,有種生物外表勁似美國總統特朗普嘅頭髮,毛茸茸相當可愛,不過千祈唔好「衰多手」亂摸呀,不然後果自負!其實該神奇生物俗名叫「貓毛蟲」(puss caterpillar),主要生長於美國南部、墨西哥及部分南美洲地區,被稱為全美最毒毛毛蟲,看似柔軟嘅絨毛下藏著好多毒性極強嘅小刺,一旦刺進皮膚會比被蜜蜂螫到更痛。昆蟲學家指,人被「貓毛蟲」刺過後疼痛可持續12小時,更可能會產生頭暈、嘔吐等症狀,嚴重者甚至會休克,提醒大家如果不小心被刺到要即刻求醫。

佛羅里達州有一名15歲少年曾被「貓毛蟲」刺到,手腕上出現燒灼感,就像「著火」咁,傷口附近形成皮疹,迅速擴散至胸前。少年隨後更意識不清,送醫院經3個小時急救後,才漸漸恢復意識。

Do NOT follow this link or you will be banned from the site!