2019年11月22日,星期五
首頁 / 點生活 / 風景區掛3D畫扮野生動物 網民:俾啲咁嘅嘢我睇?

風景區掛3D畫扮野生動物 網民:俾啲咁嘅嘢我睇?

係咪以為話有動物就一定有真動物睇?少年你太年輕了!近日有內地網民分享自己嘅「中伏」經歷,佢花費60元人民幣(約70港元)到江蘇大伊山風景區,希望可以同廣告中宣傳咁樣,觀賞「滿山野生動物」。點知就一隻動物都睇唔到,滿山都掛滿各種繪喺透明膠紙上嘅3D動物畫像,不但有公雞、老虎、牛、大熊貓,連中國傳說中嘅「龍」都出現埋,令遊客失望大呼「回水」。而風景區職員就解釋,呢啲圖畫都係農曆新年時舉辦3D花燈展後留下嘅道具,未有及時拆除先引起誤會,仲聲稱有花燈照射時「老虎會動的」。工作人員更乘機宣傳,指景區向來宣揚佛教文化,遊客即使睇唔到野生動物,亦可在此上香拜佛。

該帖引起網民熱議,開玩笑道:「你要看的野生老虎,沒錯啊,還不用擔心被攻擊」、「連野生的龍都有,很值得」,亦有網民指出:「連找人扮動物也懶,真的很沒誠意」。

Do NOT follow this link or you will be banned from the site!