2019年11月18日,星期一
首頁 / 點生活 / 虎爸嚴厲教育幼女 唔識答光合作用唔好食嘢

虎爸嚴厲教育幼女 唔識答光合作用唔好食嘢

嚴厲家長教育子女可以去到幾盡?近日有網民分享自己喺快餐店嘅見聞,某個星期日有一對父女及外傭坐喺麥記嘅一張枱邊,個女大約4、5歲,估計正讀幼稚園,爸爸同女兒溫書。點知突然呢個爸爸就大聲喝罵女兒:「你唔識就今日邊度都唔駛去!植物需要啲咩?答唔到唔好食嘢!」結果因為女兒回答話太陽、水及泥土,爸爸就指出應該係光合作用,而且講出一堆葉綠素、二氧化碳等專業用詞。爸爸責罵女兒唔溫習、唔努力,更表示唔帶女兒出去玩,最後離開時小女孩惟有邊哭邊走。

網民紛紛覺得該虎爸過於嚴厲,留言道:「想好好食快餐都咁艱難」、「個細路第日實憎恨死植物同個老豆,應承去玩可以臨門先反口」、「佢老豆覺得個女依家識光合作用,大個咗就係人生勝利組?」

Do NOT follow this link or you will be banned from the site!