2019年7月23日,星期二
首頁 / 點漫畫 / 「佔中9男女」試囚衣講膠語 3 之 陳淑莊、李永達、邵家臻

「佔中9男女」試囚衣講膠語 3 之 陳淑莊、李永達、邵家臻

回顧「佔中9男女」系列,壓軸登場的第一位係陳淑莊,違法「佔中」時煽動他人繼續留守佔領道路,又召喚更多人前往添美道及附近行車道阻止警方驅散。翻查陳淑莊等人在集會期間,喺台上發言時嘅錄音,包括:「呼籲群眾留守添美道,繼續公民抗命」、「呼籲市民到場支援」、「建議可進入添美道的路線」、「呼籲市民帶食物及其他資源到場」、「呼籲市民留守及對抗警方行動」。

尾二回顧嘅係李永達,佢係當年發起「無限期絕食行動」嘅搞手之一,有無偷食就唔知,但不出三日即指市民「等唔切」,放話正構思率先「佔中」。到咗2014年9月28日,佢拎住揚聲器煽動示威者到夏愨道馬路「公民抗命」,坐下阻擋全部6條行車線,藉非法阻礙夏愨道嘅行車道,對公眾造成妨擾。

最後係邵家臻,違法「佔中」期間,長期喺金鐘夏愨道擔任「大台咪手」,與學聯常務秘書鍾耀華輪流上台發放消息。2014年10月14日,邵嗌咪話警方喺龍和道施放催淚煙叫人去支援,促使大批示威者湧往龍和道。當晚學聯亦喺社交網站作出呼籲,揚言要對警方反包圍。但事實證明,警方當晚根本無用催淚煙,邵家臻明顯係想通過造謠做成「吹雞班馬」突襲。

要講佢哋「膠」論同「膠」事真係寫極都唔完,期望明日「讓你(哋)有個美滿假期」。

Do NOT follow this link or you will be banned from the site!