2019年9月20日,星期五
首頁 / 點漫畫 / 「佔中9男女」試囚衣講膠語 2 之 鍾耀華、黃浩銘、張秀賢

「佔中9男女」試囚衣講膠語 2 之 鍾耀華、黃浩銘、張秀賢

雖然鄭秀文原諒咗許志安,而且仲出Post話「不放棄對方」,但唔係咩人咩事都可以咁大方去面對,就好似「佔中9男女」之一嘅鍾耀華咁,老老實實9件出嚟影相少咗佢都唔覺眼,不過係9月28日佢有份上台亂叫「佔領中環正式啟動」,之後又為「三丑」澄清、淡化「不和」嘅形象,當然唔少得放吓「流料」呃啲無知市民去搞事,一句講晒「應聲蟲、傳聲筒」,博搶「光環」刷存在感。

另一位黃浩銘,如果大家有睇過「古惑仔」系列,「笑面虎」嘅角色有無印象,話說「學聯」搞「包圍禮賓府」,當中呢位社民連嘅黃浩銘主動同警方協調,「拍心口」保證唔會衝出馬路、唔會「玩野」,警方遂答允開放一條行車線。點知,一開路佢就帶頭衝出馬路,強行霸佔四條行車線,差啲出現人車爭路的險況。之後「自願」加入為被告,唔好奇怪,為咗攞「光環」佢有咩做唔出!但凡有鎂光燈出現佢都會衝到最前,如果唔係邊個知佢係乜水。

今日第三位講嘅係張秀賢,最有印象都係被聽眾痛斥佢「諗得太簡單啦,小朋友!」,其實都幾啱,佢唔止諗多咗直頭係「諗壞咗嘅人」,成日扮晒學術研究咁去講違法「佔中」,曾寫文章話「群眾與運動的『搞手』的距離甚遠,而欠缺一個清晰而到位的溝通。」為自己留個位置,又搞罷課支援「佔中」,喺大台煽動示威者要「逼爆」添美道及附近道路,叫大家「逼爆」監獄及警署令政府感壓力咁話。

Do NOT follow this link or you will be banned from the site!