2019年8月23日,星期五
首頁 / 編輯推介 / 惡搞廣告衰多鑊 吳文涉眾籌詐騙

惡搞廣告衰多鑊 吳文涉眾籌詐騙

乜嘢叫自己攞嚟衰,有版你睇!社民連主席吳文遠呢幾日因為惡搞梁振英(CY)個廣告,先被CY質疑佢違反《公司條例》,噚日CY再出post追擊,話有朋友參加吳文遠嘅眾籌,當時相信吳文遠嘅講法,認為啲錢係用嚟賣廣告。結果個《蘋果》廣告,並唔係用吳文遠或吳文遠所屬嘅社民連所刊登,「而在《蘋果日報》刊登廣告的『香港人忍耐力有限公司』並不存在,因此沒有任何事實可以說明吳文遠和這『有限公司』的關係。」質疑吳文遠眾籌登廣告一事涉及詐騙,直言如果報警嘅話就係第二單官司。唔少網民都覺得CY「3:0」吳文遠,支持送佢入冊。咁多年嚟,議席撈唔到,官司就有幾單嘅吳文遠,似乎都慣晒俾人告上法庭,口響響咁叫CY「快啲報警」。

Do NOT follow this link or you will be banned from the site!