2019年11月12日,星期二
首頁 / 時事 / 焦點 / 訟黨「小鮮肉」屎橋跣居民 搞到機場巴兜路

訟黨「小鮮肉」屎橋跣居民 搞到機場巴兜路

話說公民黨上個月搞咗個傳媒茶敘,介紹該黨計劃參加今年區議會選舉嘅地區發展主任,仲好唔怕醜咁用埋啲咩「外貌俊朗」、「公民黨余文樂」之類嚟稱呼呢班人,其中一個就係落戶偉盈嘅青衣地區發展主任冼豪輝。佢係咪「小鮮肉」就見仁見智,不過就貫徹該黨嘅「堅離地城」宗旨,近日出帖宣佈「成功爭取」為青衣中提供機場巴士服務。即係點?原來係要目前A32線嘅路線兜路。此議一出,區內居民怒火沖霄,批評咁樣兜法只會害咗青衣南以至葵涌區嘅居民,係一個三輸方案,更寸公民黨呢班「貴族」只會添煩添亂,都係返番入象牙塔啦! 眼見犯眾怒,冼豪輝只得「道歉」,話為公民黨嘅建議引起青衣南北居民爭論致歉,又話會虛心受教,歡迎居民提出意見,共同商討解決方案咁話。

Do NOT follow this link or you will be banned from the site!