2019年10月20日,星期日
首頁 / 焦點 / 豬隊友寸爆「神回」求助農夫狠批「呃選票」

豬隊友寸爆「神回」求助農夫狠批「呃選票」

自己農業自己救,「我地農莊」嘅農夫黃零噚日喺Fb開地球post,點名立法會新界西議員朱隊友(朱凱廸)、「土地正義聯盟」同關心過菜園村嘅人,話菜園村復耕後有幾十戶人用水,佢個農莊就唔夠水用,希望有關方面聯絡返佢。點知朱隊友嘅豬隊友就上咗去鬧人,有人寸黃零個農莊唔係應該好慳水咩,又有人叫佢自己去同菜園村啲人傾,唔好「公開玩投訴」。朱隊友一開始覆網民話「唔夠水就叫水務署放水」,唔少網民都俾呢種何不食肉糜嘅回覆所震撼,話佢「鬥雞眼咪睇開啲」,結果拖到夜晚先貼返漁護署個回應嚟「交功課」,但就從來冇打畀黃零溝通,搞到黃零氣憤大鬧朱隊友「呃選票」,質疑佢藉菜園村事件上位,但選完唔做嘢,狠批佢得個政治立場,工作能力極低咁話。

Do NOT follow this link or you will be banned from the site!