2019年10月22日,星期二
首頁 / 點漫畫 / 眾籌不離3兄弟?

眾籌不離3兄弟?

反對派近排玩嘢話要眾籌夾錢登廣告「問候梁振英」,但未落到人面就先內訌。「港獨」上腦嘅藝人「阿澤」噚日就出 post 恥笑社民連個吳文遠搞眾籌,係抄「100 毛偽人」「東方昇」橋喎。之但係咁,吳文遠的確早過「東方昇」諗到呢條橋㗎,仲喺上星期五貼咗出嚟,不過冇人氣冇人理之嘛,吳文遠見終於有得發圍,就寸杜汶澤「誤會咗」,話「東方昇」幫手助攻做呼籲啫,又話自己無法喺阿澤 Fb 留言,叫大家幫手轉發,暗寸埋對方小器封鎖佢㖭。眼見場面極其老尷,「東方昇」就自己出post 幫吳文遠打圓場,讚對方搞到有聲有色,所以自己就專心睇《蘋果》算嘞。有網民懷疑佢哋班人根本就係「打龍通」,搞場大龍鳳,博推高籌旗數字。

Do NOT follow this link or you will be banned from the site!