2019年11月13日,星期三
首頁 / 點生活 / 日本新年號「令和」又關《你的名字》事?

日本新年號「令和」又關《你的名字》事?

日本昨日公告於5月1日開始會換上新年號「令和」,報道一出即成為網上熱話,日本詩集《萬葉集》亦成為炒作話題,仲引伸到話係動畫《你的名字》嘅影響力咁話!的確,喜歡《言葉之庭》同《你的名字》兩部作品嘅網友,相信都知道兩部作品中引用唔少《萬葉集》嘅內容作配套元素。而數年前大熱嘅《你的名字》,已經令到該詩集廣為人知。無他嘅,原作者新海誠本身係文學系畢業,作品中加入文學元素都唔係咩奇怪事,只係今次新年號又出自同一詩集,難免又再同該動畫牽上關係。其實自數年前首相安倍晉三身穿《孖寶兄弟》裝宣佈2020奧運會,大家都知道日本人有幾熱愛動漫,而且新海誠又將有新作品推出,都係時候開始做宣傳啦~

Do NOT follow this link or you will be banned from the site!