2019年10月16日,星期三
首頁 / 焦點 / 卿姐轟示威搞破壞 「契仔廷」心虛汗顏

卿姐轟示威搞破壞 「契仔廷」心虛汗顏

呢啲叫現眼報喇!網上近日瘋傳一段短片,見到民主黨卿姐(劉慧卿)同「契仔」林卓廷出席錦英苑個業主立案法團上個月搞嘅新春賀歲嘉年華,遭到一班小業主踩場示威、噓爆。卿姐即刻「破音」大罵「你搞『文革』啊?豈有此理!」、「香港好似冇咗法治咁,喂!有人喺度搞活動,可以有人搞破壞嘅!」仲暗寸埋街坊唔文明㖭。不過,民主黨而家既有許智峯喺立法會搶手機、傷保安,連卿姐隔籬個林卓廷同尹兆堅都有單傷保安嘅案件喺身,少網民見到卿姐咁樣大動肝火、振振有詞,都戥企喺隔籬受到應一應嘅林卓廷滴晒汗。唔知民主黨班成日擾亂秩序嘅人聽到,自己會唔會心虛呢?

Do NOT follow this link or you will be banned from the site!