2019年10月23日,星期三
首頁 / 點生活 / 背囊擺前座要小心 隨時引人犯罪

背囊擺前座要小心 隨時引人犯罪

貴重物品千祈唔好留喺車內呀,好易招惹盜賊㗎!近日有網民發帖,指自己將私家車停泊於深水埗運動場附近嘅幸福街,因為貪方便就留個背囊放前座。點知1小時後返來,竟發現車窗被打爆,而背囊亦不翼而飛。樓主隨即報警,但CID到場表示,因為有心想偷竊嘅人一早已帶上手套且行動迅速,故難以「掃到指模」並拘捕犯人。樓主表示,幸好「冇乜貴重嘢,主要都係啲衫褲鞋襪,不過唔見咗鎖匙嗰啲就煩啲」,提醒大家要記得最好將物品跟身或放入車尾箱。

唔少網民紛紛留言道:「光天化日咁猖狂」、「唔係因為樓主出post都唔知今時今日仲有呢啲案件發生喺香港」。亦有網民深表同情,希望能早日拘捕涉案犯人。

Do NOT follow this link or you will be banned from the site!