2019年12月13日,星期五
首頁 / 點生活 / 《屍殺列車》變現實?「喪屍鹿」蔓延美國24州

《屍殺列車》變現實?「喪屍鹿」蔓延美國24州

有無想過萬一有日恐怖片變成現實咁點算?相信睇過《屍殺列車》呢部電影嘅人都對裏面受喪屍毒感染成為病源嘅「喪屍鹿」果一幕記憶猶新,不過原來現實中都存在嘅。近日,美國疾病管制與預防中心於網站公告,截至2019年1月,美國24州以及加拿大2個省份等地都有鹿隻感染慢性消耗病(Chronic Wasting Disease),又稱狂鹿症。鹿染病後會如同喪屍般體重急劇下降、四肢不協調,更會變得極具攻擊性不受控制。據悉,鹿隻透過體液如口水、血液、尿液等傳染慢性消耗病,感染後可於體內潛伏長達數年。

更恐怖嘅係,明尼蘇達大學傳染病研究及預防中心專家Michael Osterholm警告未來數年有機會出現人類食用受感染鹿肉後染病嘅情況,並指屆時將有集體染病危機。雖然目前未有人類感染病例,但有研究證實慢性消耗病可傳染鹿以外嘅生物,如獼猴。

Do NOT follow this link or you will be banned from the site!