2019年12月15日,星期日
首頁 / 焦點 / 白天補習社 夜晚變「劏房」 月租平至2000蚊

白天補習社 夜晚變「劏房」 月租平至2000蚊

近年來因租金高昂,地鋪「一舖多用」嘅現象屢見不鮮。最近更有中環補習社出租過夜房間,月租僅2000蚊,仲包水、電以及免費無線上網。呢種另類「劏房」嘅每個房間約50平方呎,租戶於晚上8時多後方可入住,可選擇鋪膠墊「打地鋪」休息或者買張摺床來瞓,不過早上8時前需要離開,「晚行朝拆」。出租人陳先生就坦言,自己提供學習普通話及外語嘅補習社生意大減,因此需要出租房間幫補租金及管理費。

雖然房間無門鎖難保私隱且裏面冇得沖涼,有租客會到附近公園沖涼,但喺寸金寸土嘅中環地段,咁嘅租金已經好划算,所以該租盤頗為搶手。有地產界人士指,租金持續高企,這類另類平價劏房可能會愈來愈多,變成「窮人恩物」。

Do NOT follow this link or you will be banned from the site!