2019年5月20日,星期一
首頁 / 焦點 / 衝區選扮做嘢 鴿廷心急「撲水」交差

衝區選扮做嘢 鴿廷心急「撲水」交差

區議會選舉今年底舉行,明年就到立法會選舉。民主黨鴿廷(林卓廷)臨急抱佛腳,借「打擊水貨客」嚟「刷存在感」,假惺惺喺北區區議會提出限制內地「個人遊」旅客來港次數嘅動議,結果被否決。為咗更加宣傳自己,鴿廷又喺facebook出文,話自己個動議俾建制派否決咗,將水貨客問題個波拋去建制派議員嗰邊,仲分享去北區幾個fb專頁同群組想呃Like。

不過,網民係好心水清嘅。「Barry Ng」狠批:「選舉年先嚟扮做嘢,當人傻仔?」「Hang Pn」揶揄:「水貨,係居民嘅困擾;選票,係議員嘅困擾。」「Sky Kwong」就心水清:「愈反愈多就預左(咗),選舉後又打回原形,反水貨最後都係唔拖(湯)唔水嘅居多,唔玩到唔拖(湯)唔水,選票又點會長攞長有?」

Do NOT follow this link or you will be banned from the site!