2019年9月19日,星期四
首頁 / 點生活 / 鸚鵡咬爛$1000利是一地碎紙 網民:「想殺x咗隻雀!」

鸚鵡咬爛$1000利是一地碎紙 網民:「想殺x咗隻雀!」

拆到金牛利是真係再開心不過,不過如果遇上「多嘴碎紙機」就大鑊「鳥」。近日有網民發帖稱,好難得收到1000蚊利是放喺屋企竟然被自己養嘅鸚鵡咬爛,變成一地碎紙,佢又嬲又傷心,直呼「想殺x左隻雀」。唔少網民就紛紛出謀劃策話,只要能拾返碎片都可成功兌換新銀紙。於是樓主將碎片搵返並逐張拼回,最後都算成功還原9成。

根據金管局網頁信息,如果唔小心將紙幣撕爛,市民可以把該張紙幣拿到發鈔銀行更換,銀行會按既定準則驗證紙幣真偽,檢驗防偽特徵是否完整,並會衡量損毀面積及程度有幾嚴重,損毀面積是否超過1/4。一般來講,如紙幣崩角、污漕仍可使用得。不過都要提醒大家,如果紙幣對半撕爛,千祈唔好將兩張不同號碼嘅鈔票黐在一起,咁樣做會變成「合成銀紙」,可能會犯法,最好嘅做法梗係將紙幣交回發鈔銀行啦!

Do NOT follow this link or you will be banned from the site!