2019年3月25日,星期一
首頁 / 編輯推介 / 「偽本土」黐李呃人「唱雙簧」呃飯食

「偽本土」黐李呃人「唱雙簧」呃飯食

面對今年嘅區議會選舉,反對派為了谷人氣都可謂扭盡六壬。話說去年敗選嘅工黨李呃人(李卓人)同冇贏過嘅「東九龍社區關注組」個「獨滔」(陳澤滔)上星期齊齊接受報章專訪進行「對談」,標榜前者代表傳統反對派,後者代表「本土派」喎,真係嚇咗唔少人一跳。內容講到兩個人點睇反對派議員投票率、新來港人士、「勇武抗爭」等等,仲得出一個兩人都認為應該鼓勵「本土派」參選嘅結論㖭。中大「獨」講師劉正就喺Fb發文炮轟香港傳媒「水平低下」,搵啲「九唔搭八嘅人」嚟做代表,話所有諗住同「飯民」合作嘅都係「偽本土」,鬧爆「獨滔」根本想黐「飯民」搵食,仲好意思扮「本土派」咁話。

李呃人喺訪問度仲話「本土派」嘅問題係「圍爐」,只有選舉先可以擺脫呢個問題。劉正反駁話︰「背後真正目的卻現實得不得了,就係只係為咗個安安份份(分分)幾皮嘢準時出席會議投票然後收工BYE BYE嘅議席。」

Do NOT follow this link or you will be banned from the site!