2019年5月22日,星期三
首頁 / 編輯推介 / 申報款項唔清唔楚 小麗老千疑違反選舉條例

申報款項唔清唔楚 小麗老千疑違反選舉條例

雖然劉小麗被裁定提名無效不能參加去年11月立法會九龍西嘅補選,但按規定仍須申報選舉開支及捐贈。佢嘅選舉申報書昨日(30日)公開,僅維持咗11天「參選人」身份嘅小麗就申報已用70.2萬元,比去年3月立法會補選中被DQ嘅「香港眾志」周庭仲多出3倍。佢嘅最大開支為代理人及選舉助理薪金。選舉捐贈方面,有兩筆共逾5000元嘅捐款來歷不明;另外,其競選團隊更有人「貼錢打工」。其實佢嘅籌款工程早於去年7月就已開始,其「小麗民主教室」喺「七一」遊行時擺設街站籌款,佢仲着市民「你唔准唔捐,香港人就要捐」,最後籌到27.6萬元。

小麗早於7月至8月已在不同場合籌款,8月更已開始向競選團隊支薪,但就只申報咗自9月1日開始收取嘅捐款。香港法學交流基金會主席、大律師馬恩國指出,劉小麗於「七一」遊行和籌款晚宴籌得嘅所有捐款均被視為選舉捐贈,須如實申報;若未申報籌得款項,有可能違反《選舉(舞弊及非法行為)條例》,最高刑罰可達罰款20萬元及監禁3年。

Do NOT follow this link or you will be banned from the site!