2019年2月17日,星期日
首頁 / 焦點 / 盲捧「電話廷」 《蘋果》寧踩自己友

盲捧「電話廷」 《蘋果》寧踩自己友

「土地正義聯盟」前日(22日)發炮聲討電話廷(林卓廷)喺新界發展方面轉軚,出賣東北村民。而反對派喉舌《蘋果日報》就即刻為電話廷撐腰,寧願喺報道入面得罪自己友,都要死攬電話廷。中大「獨」講師劉正喺佢自己fb專頁鬧爆《蘋果》:「為咗幫林卓廷護短,你可以去到幾盡?」
劉正喺佢自己fb專頁提到,《蘋果》用「被屈風雲」嚟形容今次事件,好似已經認定「土盟」老屈電話廷。「教精你呢位《蘋果》文盲記者,至少扮吓中立,用『被屈疑雲』會唔會好啲?」喺報道臨尾,《蘋果》仲安撫電話廷叫佢唔使咁介懷,皆因「選舉近了,呢啲咁嘅事可能會陸續有嚟」。劉正就質問《蘋果》係咪想話「土盟」就係分裂反對派、拆散大台嘅鬼,「然後你想話佢個組織嘅成員走嚟抹黑你民主黨鎅你票?傻×咗?……究竟你《蘋果》記者係陰濕定無知?香港第一大報?收皮啦!」
Do NOT follow this link or you will be banned from the site!