2019年7月23日,星期二
首頁 / 點解嘅 / 學友演唱會

學友演唱會

歌神張學友已於1月11日開啟紅館騷,一連15場為今次嘅世界巡迴演唱會畫上句號。不過今日(16日)凌晨卻發生咗一件同演唱會有關嘅劫案。兩名內地男子諗住購買96張張學友演唱會飛,卻不慎中伏,到咗港鐵南昌站交易地點未見到賣家,反而被歹徒打傷並劫走10幾萬港紙。警方正調查事件。

早前歌神喺內地開騷嘅時候,就頻頻有罪犯落網,被網民譽為「逃犯剋星」。希望今次「逃犯剋星」繼續大顯神威,助警方早日將有關事件嘅逃犯緝拿歸案喇。