2019年4月22日,星期一
首頁 / 焦點 / 《蘋果》老屈港鐵 反對派追擊炒晒車

《蘋果》老屈港鐵 反對派追擊炒晒車

港鐵喺「剪筋案」嘅表現的確係好令人失望,之但係鬧還鬧,但趁人哋「病」就想用誤導人嘅消息去攞人「命」,就似乎唔係好道德囉。話說《蘋果日報》前日大字標題話英國政府批評「管理」英國西南部鐵路(South Western Railway)嘅港鐵表現差劣。反對派當然乘機抽水啦,公民黨立法會議員譚文豪就轉發有關新聞,並喺帖文話「一心只係想係(喺)全世界發展『地鐵上蓋物業』賺大錢,但真真正正做基礎建設、鐵路服務呢啲本業,就馬馬虎虎、錯漏百出」云云。有黃絲就喺留言度借題發揮咁將港鐵嘅管理問題扯到去香港回歸咗祖國所以先出事喎。不過,有網民就引述報道中嘅報告原文,話英國政府批評嘅係NetworkRail(英國政府嘅鐵路基建管理機構)嘅問題導致SWR有delay,「即係MTR都係受害者。」

Do NOT follow this link or you will be banned from the site!