2019年10月14日,星期一
首頁 / 點生活 / 破壞王比高零食放題屋企彷如《冰雪奇緣》

破壞王比高零食放題屋企彷如《冰雪奇緣》

日前有位狗主人在社交群組分享,家中被自己的比高狗破壞的慘況,遍地白色粉末及破碎的碗碟,情況就像「有賊入屋」,她更諷刺地問:「你養緊咩狗種呀?」主人阿寶表示因天氣原因,近日沒有帶愛犬「阿布」散步「放電」,結果狗狗精力旺盛開始搞破壞。

當日,阿布進入廚房咬爛生粉後,開心到周圍踩、周圍撲,床、地氈、雪櫃門都不能倖免,彷如置身《冰雪奇緣》的場景,更食哂五隻零食羊脾,同埋兩舊擦膠。當晚九點,阿寶立刻帶佢睇獸醫,食用處方催吐藥後,嘔足成粒鐘,阿寶又嬲又無奈:「嘔到好似飲醉酒咁,醫藥費、碗碟、零食用咗我差唔多二千蚊」不過每次當她回想起精力旺盛的阿布,都會由個心到笑出嚟。

Do NOT follow this link or you will be banned from the site!