2019年9月21日,星期六
首頁 / 焦點 / 小麗拍片 一味抄抄抄

小麗拍片 一味抄抄抄

反對派成日話自己啲宣傳包裝點醒點勁,不過睇返劉小麗最新嘅一條宣傳片,睇怕都只係得啖笑。補選對手、食衛局前政治助理陳凱欣一早就玩咗呢條橋,佢先好似啱啱瞓醒咁學人跑埋一份,最後仲彈咗句「同香港人一齊跑」,連特首林鄭月娥上年選舉句「同行」都舐埋嚟用。有網民就恥笑話,一睇佢個跑姿,就知佢平時無跑開步,十足師奶追車咁!

小麗條片個名「抄考」咗是枝裕和電影《步履不停》(港譯《橫山家之味》)個名,噚日上載咗上網。片中,小麗夜麻麻喺馬路中心度係咁跑,仲要喺路口停吓畀攝影師拍吓唔同角度,真係當正條馬路係佢嘅。不過,最出事嘅係佢路經成班工人開緊工嘅果欄,唔怪得成條片無收到現場聲,如果唔係都好難出到街!

有意參加今次九龍西立法會補選的還有陳凱欣及馮檢基。

Do NOT follow this link or you will be banned from the site!