2019年7月19日,星期五
首頁 / 焦點 / 「學獨」爭出鏡 同道鬧騎劫

「學獨」爭出鏡 同道鬧騎劫

「本土民主前線」前發言人梁天琦及黃台仰,一個坐監一個走佬,「香港民族黨」被取締,「獨派」中人自然個個爭住做「大台」。話說幾個「港獨」組織前日參加咗民陣搞嘅遊行,其中「學生獨立聯盟」召集人陳家駒同近排做咗「香港民族陣綫」發言人嘅梁頌恆,就「代表」班「獨」友接受傳媒採訪,結果有其他「獨派」不滿,話唔應該「騎劫」其他人嘅活動喎。

「學生動源」嘅鍾翰林唔知係葡萄定真係唔想被代表,發帖話應該尊重民陣喎,指「所有團體以及人士不應騎劫活動,希望參與嘅組織成員者發表言論時唔好令傳媒誤會所有參與者均為個別團體成員」喎。

有人就抵唔住頸,話鍾翰林自己特登喺「學生動源」fb專頁轉發咗傳媒報道梁頌恆講嘢,咁算唔算協助騎劫遊行。

Do NOT follow this link or you will be banned from the site!