2019年11月20日,星期三
首頁 / 時事 / 焦點 / 做騷清塌樹扔落山 黑衣「中箭」累街坊

做騷清塌樹扔落山 黑衣「中箭」累街坊

打風日子天都未光想喺馬路度清樹應該點做?一般人都戴好頭盔着好反光衣,但「中箭(香港眾志)」就覺得冇頭盔、着黑衣喺漆黑嘅街上嘗試清理倒塌樹木都冇問題㗎,最緊要影輯靚相,做show抽水啫。

睇返佢哋嘅相,成為鏡頭女主角嘅何嘉柔仲化好妝、着住露臍T恤,頭髮都冇紮咁出嚟「勞動」㖭。相中仲見到佢哋兩個人笑笑口咁疑似想抬起棵大樹,認真牙煙。執完啲樹枝?捩手掉落山坡咪得,真係「多謝晒喎」。

唔少網民都出post留言鬧爆佢哋因為選舉近了,呢班政棍擺明做騷表演;批評佢哋冇常識、越幫越忙,着黑衫企喺漆黑馬路度唔知係咪想陰司機、掉樹枝落山坡阻住去水位唔知係咪想執死啲清潔工人,甚至可能造成山泥傾瀉。

發佈留言

Do NOT follow this link or you will be banned from the site!